काठमाडौं । साउथका सुपरस्टार रजनीकान्त र बलिउडका सुपरस्टार अक्षय कुमार यतिबेला निकै चर्चामा छन् । यद्यपी दुबै सुपरस्टार आफ्नो कुनै पनि फिल्म प्रोजेक्टको कारण चर्चामा छैनन् । यसपाली कारण उनीहरुको सम्पत्ती हो ।
रजनीकान्त तमिलनाडुमा सबैभन्दा बढी आयकर तिर्ने अभिनेता बनेका छन्। योसँगै अभिनेता अक्षय कुमार बलिउडमा सबैभन्दा बढी कर तिर्ने अभिनेता बनेका छन् । हालै आयकर दिवसको अवसरमा आयकर विभागले दुवै दिग्गज कलाकारलाई सम्मान गरेको छ । त्यसपछि उनीहरुको चर्चा भएको छ । सबैजना जान्न चाहन्छन् कि उनको नेटवर्थ कति छ र उनले फिल्मको लागि कति चार्ज गर्छन्।
दिग्गज अभिनेता रजनीकान्तलाई फ्यानहरूले भगवानको दर्जा दिने गरेका छन् । रजनीकान्तले आफ्नो सम्पत्तिको कुनै देखावा नगरेपनि उनीसँग धेरै महँगो घर र महँगो कार छन् । मिडिया रिपोर्टका अनुसार रजनीकान्तको चेन्नईको पोश गार्डेनमा आलिशान घर छ । यसको लागत लगभग १७ करोड छ। अभिनेतासँग कारहरूको राम्रो संग्रह छ। रजनीकान्तसँग लगभग १७ करोडको रोल्स रोयस फ्यान्टम कार छ । अभिनेतासँग ‘राघवेन्द्र मण्डपम’ नाममा विवाह हल छ । रिपोर्टका अनुसार यसको मूल्य २० करोड रुपैयाँसम्म रहेको छ । सेलिब्रेटी नेटवर्थको मिडिया रिपोर्टका अनुसार रजनीकान्तको कुल सम्पत्ति करिब ३६५ करोड रुपैयाँ छ। रजनीकान्तले एउटा फिल्मको करिब ५५ करोड पारिश्रमिक लिन्छन् । हालै आयकर विभागले अभिनेतालाई सम्मान गरेको छ । यो जानकारी अभिनेताकी छोरीले सामाजिक सञ्जाल पोस्टमार्फत दिएकी हुन् ।
बलिउड अभिनेता अक्षय कुमार पनि सबैभन्दा बढी कर तिर्ने अभिनेता बनेका छन् । रिपोर्टका अनुसार आयकर विभागले उनलाई ‘सम्मान पत्र’ दिएको छ । यसको तस्बिर भाइरल भइरहेको छ । यसबारे अभिनेताले केही भनेका छैनन् । अक्षय अहिले आफ्नो अर्को फिल्मको सुटिङ इङ्गल्याण्डमा छन् ।
यो अवार्ड अक्षयको टिमले लिएको बताइएको छ । रिपोर्टका अनुसार अक्षय कुमारले आफ्नो एउटा फिल्मका लागि करिब १०० करोड भारु लिने गर्छन् । अभिनय बाहेक उनको आम्दानीका अन्य स्रोत पनि छन् । रिपोर्टका अनुसार उनको कुल सम्पत्ति करिब ३६९ करोड रुपैयाँ छ । अक्षय कुमारको भारत र क्यानडामा पनि धेरै सम्पत्ति छ । रिपोर्टका अनुसार उनी एक निजी जेटका मालिक हुन्, जसको मूल्य करिब २६० करोड रुपैयाँ छ।
अक्षय हाल इंग्ल्याण्डमा छन् र जसवंत सिंह गिलको बायोपिकको सुटिङमा छन्। अक्षय कुमार छिट्टै फिल्म ‘रक्षा बन्धन’ मा देखिदैछन् । यो फिल्म ११ अगस्ट २०२२ मा रिलिज हुनेछ। फिल्ममा अक्षयको अपोजिट भूमि पेडनेकर छिन् ।
यो खबर पढेर तपाईलाई कस्तो महसुस भयो ?
प्रतिक्रिया