बाँकेमा एक दम्पती मृत फेला, हत्या आशंका

नेपालगञ्ज । बाँकेको कोहलपुर नगरपालिका–१४ स्थित पार्वतीपुरमा मंगलबार एक दम्पती मृत अवस्थामा भेटिएका छन् ।

मृतावस्थामा भेटिएका दम्पती २५ वर्षीय कृष्णकुमार गडेरिया र २३ वर्षीया अञ्जली गडेरिया रहेको जिल्ला प्रहरी कार्यालय बाँकेले जनाएको छ । घरमा सुतेका दम्पती बिहान अबेरसम्म नउठेपछि आफन्तले प्रहरीलाई खबर गरेका थिए ।

आफ्नै घरमा अवस्थामा फेला परेका दम्पतीमध्ये पति कृष्णको मुखबाट रगत आएको र दायाँ हातमा चोट लागेको छ । उनीहरूको बिहे भएको एक वर्ष भएको थियो । मृतकको शव परीक्षणका लागि भेरी अस्पताल पठाइएको प्रहरीले जनाएको छ ।