काठमाडौं । बंगलादेशमा भइरहेको साफ च्याम्पियनसिप खेलेर नेपाली राष्ट्रिय फुटबल टिम बिहीवार स्वदेश फर्किएको छ ।
राजधानी ढाकास्थित बंगबन्धु नेशनल रंगशालामा भइरहेको १२ औँ संस्करणको साफ फुटबलमा सेमिफाइनलसम्मको यात्रा तय गरेको नेपाली टिम बिहीवार मध्यान्न काठमाडौं फर्किएको हो ।
खेलाडीसहितको टोलीलाई अखिल नेपाल फुटबल संघ ‘एन्फा’का पदकाधिकारीहरुले त्रिभुवन अन्तर्राष्ट्रिय विमानस्थलमा स्वागत गरेका थिए । बुधवार भएको सेमिफाइनल खेलमा माल्दिभ्ससँग ३-० गोलले पराजित हँदै नेपालको साफ यात्रा टुङगिएको थियो ।
नेपालले खेलको चार खेल मध्ये दुईमा जीत र दुई खेलमा हार बेहोरेको थियो । समूह चरणको पहिलो खेलमा पाकिस्तानसँग पराजित भएको नेपालले भुटान र बंगलादेशलाई भने हराएको थियो ।
यो खबर पढेर तपाईलाई कस्तो महसुस भयो ?
प्रतिक्रिया