काठमाडौं । मदन भण्डारी स्पोर्ट्स एकेडेमीको आयोजनामा अन्तर्राष्ट्रिय स्तरको फुटबल प्रतियोगिता हुने भएको छ ।
प्रतियोगिता आगामी माघ ९ देखि १९ गतेसम्म मदन भण्डारी अन्तर्राष्ट्रिय फुटबल प्रतियोगिता हुने शुक्रवार पत्रकार सम्मेलनको आयोजना गरि जानकारी दिइएको हो ।
लिगकम नकआउटका आधारमा खेलाइने यो प्रतियोगितामा चार विदेशी टिम र नेपालको ‘रातो’ र ‘निलो’ गरी दुई टिमले भाग लिने पनि पत्रकार सम्मेलनमा जानकारी दिइयो ।
सहभागी ६ टिमलाई दुई समूहमा विभाजन गरी खेलाइने छ । सहभागी हुने टिमहरुमा दक्षिण कोरिया, भुटान, बंगलादेश, भारत, थाइल्याण्ड र चीन रहेको पनि जानकारी दिइयो ।
प्रतियोगिताको विजेताले २५ हजार अमेरिकी डलर र उपविजेताले १० हजार अमेरिकी डलर प्राप्त गर्नेछन्। प्रतियोगिता सम्पन्न गर्न १ करोड ५० लाख बजेट लाग्ने बताइएको छ ।
यो खबर पढेर तपाईलाई कस्तो महसुस भयो ?
प्रतिक्रिया