काठमाडौं । बलिउड अभिनेत्री कियारा आडवाणीलाई आज कुनै पनि पहिचानको खाँचो छैन । अहिले उनी हिन्दी फिल्म इन्डस्ट्रीकी सबैभन्दा चर्चित अभिनेत्री मध्ये की एक हुन् । हरेक वर्ष जुलाई ३१ मा उनले आफ्नो जन्मदिन मनाउने गर्छिन् ।
यसपटक उनी अभिनेता सिद्धार्थ मल्होत्रासँग जन्मदिन मनाउन दुबई पुगेकी छिन् । उनका बुबा व्यवसायी र आमा शिक्षक हुन् । मुम्बईमा जन्मिएकी उनी यही मुम्बईमै हुर्किएकी हुन् ।
फिल्ममा आउनुअघि उनको नाम आलिया थियो तर डेब्यू हुनुअघि उनले आफ्नो नाम फेरेर कियारा राखिन् । कियारालाई फिल्म इन्डस्ट्रीमा आएको ८ वर्ष भयो ।
आज उनको जन्मदिनमा, हामी उनका हिट फिल्महरूको बारेमा बताउनेछौं जुन तपाईंले जुनसुकै बेला हेर्न सक्नुहुन्छ।
एमएस धोनीस् अनटोल्ड स्टोरी :
कियारा आडवाणीको करियरको यो दोस्रो फिल्म हो । यो फिल्ममा उनले धोनीकी पत्नीको भूमिका निभाएकी छिन् । चलचित्रलाई निरज पाण्डेले निर्देशन गरेका हुन् । फिल्ममा धोनीको भूमिकामा सुशान्त सिंह राजपुत देखिएका थिए । यो फिल्म बक्स अफिसमा १३३ करोड कलेक्सनका साथ सेमी हिट भएको थियो । यो चलचित्र डिज्नी प्लस हटस्टारमा हेर्न सकिन्छ।
कबिर सिंह :
बलिउडका स्टार शाहिद कपूर अभिनित फिल्म कबिर सिंह कियाराको करियरको सबैभन्दा ठूलो हिट फिल्म हो। यो फिल्ममा उनी साधारण केटीको भूमिकामा देखिएकी थिइन् । उनको अभिनयलाई दर्शकले निकै रुचाएका थिए । बक्स अफिसमा फिल्मले कमाईका धेरै रेकर्ड बनाएको थियो । सन्दीप वाङ्गा रेड्डी निर्देशित फिल्मले कुल २७८ करोड कमाएको थियो । तपाईंले यो चलचित्र नेटफ्लिक्समा जुनसुकै बेला हेर्न सक्नुहुन्छ।
गुड न्यूज :
कियाराको फिल्म गुड न्यूज निकै कमेडीले भरिएको थियो । फिल्ममा कियाराका अलावा अक्षय कुमार, करीना कपूर र दिलजीत दोसांझ मुख्य भूमिकामा थिए। यसलाई राज मेहताले निर्देशन गरेका थिए । २०५ करोडको कलेक्सनका साथ यो फिल्म बक्स अफिसमा सुपरहिट भएको थियो ।
भूल भुलैया २ :
भर्खरै रिलिज भएको ‘भुल भुलैया २’ ले मानिसलाई निकै मनोरञ्जन दिएको छ । यो फिल्ममा उनी कार्तिकको अपोजिट देखिएकी थिइन् । अनीस बज्मीले निर्देशन गरेको यो फिल्म बक्स अफिसमा ब्लकबस्टर रह्यो । भुल भुलैया २ ले कुल १८५ करोडको व्यापार गर्यो, जसका कारण यो ब्लकबस्टर घोषित भएको थियो । फिटील्म ओटी प्लेटफर्ममा पनि आइसकेको छ ।
यो खबर पढेर तपाईलाई कस्तो महसुस भयो ?
प्रतिक्रिया