काठमाडौं । नजिकिदो दशैंलाई मध्यनजर गर्दै यहि असोज ५ गतेबाट अग्रिम टिकट बुकिङ खुल्ला हुने भएको छ ।
यातयात व्यवस्था विभागमा आइतबार बसेको बैठकमा यातयात व्यवसायीहरु अग्रिम टिकट बुकिङ खुल्ला गर्न सहमत भएका हुन् । बैठकमा व्यवसायीले गाडी भाडा समायोजन र समितिको बैंक खाता खोल्नुपर्ने शर्त राखेका थिए।
तर, विभागले बैक खाता खोल्न सम्वन्धित निकायलार्इ तत्कालै पत्र पठाएर सहजीकरण गर्ने र भाडा समायोजन चाडपर्व सकिने वित्तिकै कार्यान्वयनमा ल्याउने प्रतिवद्धता जनाएपछि व्यवसायीले अग्रिम टिकट खोल्न तयार भएका हुन् ।
यातायात व्यवस्था विभागका निर्देशक गोकर्णप्रसाद उपाध्यायले असोज ४ गतेभित्र काउन्टर राख्ने र अनुगमनको मोडालिटी तयार पार्ने जानकारी दिए। नेपाल यातायात व्यवसायी राष्ट्रिय महासंघका महासचिव सरोज सिटौलाले सरकारले आफ्ना माग पूरा गर्ने प्रतिवद्धता जनाएपछि टिकट बुकिङ खुल्ला गर्न सहमत भएको बताए।
दशैंमा उपत्यकाका ७० प्रतिशत मानिसहरु बाहिरिने गरेका छन् । फुलपातीदेखि अष्टमीसम्म दैनिक ३ हजारका दरले यात्रुबाहक बस काठमाडौंबाट बाहिरिने गरेका छन्।
यो खबर पढेर तपाईलाई कस्तो महसुस भयो ?
प्रतिक्रिया