एजेन्सी । बार्सिलोनालाई पछि पार्दै रियल म्याड्रिड जारी स्पेसिन ला लिगा फुटबलको शिर्ष स्थानमा उक्लिएको छ ।
यसअघि लिगको शीर्ष स्थानमा रहेको बार्सिलोनालाई १ अंकले पछि पार्दै रियल म्याड्रिड लिगको पहिलो स्थानमा उक्लिएको हो ।
शनिबार राति सम्पन्न भएको खेलमा रियल म्याड्रिडले स्पानियोललाई १-० गोल अन्तरले पराजित गर्न सफल भयो । रियल म्याड्रिडका लागि मार्को एसेन्सियोले गरेको एक मात्र गोल नै निर्णायक बनेको थियो । उनले खेलको ४१ औँ मिनेटमा गोल गरेका थिए ।
प्रतिस्पर्धात्मक खेलको निर्धारित समयसम्म स्पानियोलले रियल म्याड्रिडलाई थप गोल गर्न दिएन र खेल १-० गोलमा सकियो ।
जीतपछि रियल म्याड्रिडले ५ खेलबाट १३ अंक जोडेको छ । त्यस्तै, लिगको दोस्रो स्थानमा रहेको बार्सिलोनाको १२ अंक छ । प्रतियोगिता अन्तर्गत आइतवार राति बार्सिलोनाले जिरोनासँग प्रतिस्पर्धा गर्दैछ ।
यो खबर पढेर तपाईलाई कस्तो महसुस भयो ?
प्रतिक्रिया