काठमाडौं । चलचित्र ‘जय भोले’ ले एकसाथ ४ पोस्टर सार्वजनिक गरेको छ । प्रदर्शन मिति तोक्दै फिल्म युनिटले पोस्टर सार्वजनिक गरेको हो ।
केही महिनायता चलचित्र ‘छक्का पञ्जा ३’ र ‘जय भोले’ जुध्ने भन्दै बजार तताएका थिए । दुवै फिल्मले दशैँमा आउने घोषणा गरेका थिए । यद्यपि केही दिनअघि मात्र चलचित्र ‘छक्का पञ्जा ३’ ले घटस्थापनाको दिनलाई ‘छक्का पञ्जा ३’ को रिलिज मिति तोकेको थियो ।
‘जय भोले’ भने असोज ३० गते फुलपातीका दिन रिलिज हुने भएको छ ।
चलचित्र कमेडी शैलीको हो । यो चलचित्रमा खगेन्द्र लामिछाने, स्वस्तिमा खड्का, सौगात मल्ल, सलोन बस्नेत, बुद्धि तामाङ, राजाराम पौडेल, बसुन्धरा भुसाल लगायतका कलाकारले अभिनय गरेका छन् । यसअघि फिल्म युनिटले सार्वजनिक गरेको गीत ‘उम्लियो भने पोखिन्छ’ दर्शकले रुचाएका छन् ।
यो खबर पढेर तपाईलाई कस्तो महसुस भयो ?
प्रतिक्रिया