काठमाडौं । यहि शुक्रवारबाट भुटानमा शुरु हुने साफ यू-१८ महिला साफ च्याम्पियनसीपको खेल तालिका सार्वजनिक भएको छ ।
दक्षिण एसियाली फुटबल महासंघले आयोजना गर्ने साफ यू-१८ महिला साफ च्याम्पियनसीपको खेल तालिका मंगलवार सार्वजनिक गरेको हो । यस पटकको साफ च्याम्पियनसीपमा दक्षिण एसियाका ६ राष्ट्रले भाग लिदैछन् भने श्रीलंकाले खेल्ने छैन ।
शुरुमा श्रीलंकालाई समेत समावेश गर्दै ‘ड्र’ गरिएको थियो। तर, पछि श्रीलंकाले नखेल्ने भएपछि ६ टोलीलाई दुई समूहमा विभाजन गरिएको हो।
नयाँ खेल तालिका अनुसार नेपाल समूह ‘बी’ मा परेको छ। नेपाल रहेको समूहमा बंगलादेश र पाकिस्तान छन्। त्यस्तै, आयोजक भुटान, भारत र माल्दिभ्स समूह ‘ए’ मा छन्। खेल तालिका अनुसार शुक्रवार पहिलो खेल बंगलादेशसँग खेल्नेछ भने अक्टोवर २ मा पाकिस्तानसँग दोस्रो खेल खेल्नेछ।
यो खबर पढेर तपाईलाई कस्तो महसुस भयो ?
प्रतिक्रिया