१. नेपाली कांग्रेसका केन्द्रीय सदस्य एवम् सांसद प्रदीप गिरीको राजकीय सम्मानका साथ पशुपति आर्यघाटमा अन्त्येष्टि, गिरीको निधनमा राष्ट्रपति, उपराष्ट्रपति, सभामुख र प्रधानमन्त्रीद्वारा दुःख व्यक्त, कांग्रेसले तीन दिनसम्म पार्टीको झण्डा आधा झुकाउने ।
२. आगामी निर्वाचनका लागि ५ सय ३ प्रकारका मतपत्र छापिने, निर्वाचनमा १० अर्ब खर्च हुने निर्वाचन आयोगको अनुमान, उम्मेदवारी दिने दल र उम्मेदवारको मात्रै मतपत्रमा निर्वाचन चिन्ह राखिने ।
३. पूर्वाधार विकास कार्यक्रम र बजेटमा नतोकिएका आयोजना सञ्चालनमा आजदेखि निर्वाचन आयोगले लगायो रोक, नयाँ योजना र कार्यक्रमले मतदातालाई प्रभावित पार्न सक्ने भएकाले रोक लगाइएको आयोगको भनाइ ।
४. एमाले सरकारमा आएपछि नागरिकता विधेयक सच्याउने नेकपा एमालेका सचिव योगेश भट्टराईको दाबी, वर्तमान सरकारले नागरिकता विधेयक संसदबाट बलपूर्वक पारित गरेको आरोप ।
५. अनावश्यक शुल्क नउठाउन सामुदायिक विद्यालयलाई शिक्षा मन्त्रालयको निर्देशन, कानूनले निःशुल्क गरेको विषयमा अनेक बाहनामा शुल्क नलिन चेतावनी ।
६. चालू आर्थिक वर्षको पहिलो महिनामा झन्डै दुई अर्ब रुपैयाँको विद्युत भारत निर्यात, विद्युत निर्यातबाट औसत दैनिक पाँच करोड ९३ लाख रुपैयाँ कमाइ ।
७. जिल्ला प्रशासन कार्यालय कालीकोटबाट जारी भएका दुई हजारभन्दा बढी नागरिकता प्रमाणपत्रमा त्रुटि, अंग्रेजी र नेपाली भाषा फरक पर्दा सेवाग्रहीलाई सरकारी कामकाज गर्न समस्या ।
८. त्रिभुवन अन्तर्राष्ट्रिय विमानस्थलबाट पेटभित्र लुकाइएको एक किलो सुनसहित एक जना भारतीय नागरिक पक्राउ, घटनाबारे थप अनुसन्धान हुँदै ।
९. कर्णाली प्रदेशको पदाधिकारी र कर्मचारीको वार्षिक खर्च १ अर्ब ४१ करोड, कर्मचारीहरुको पारिश्रमिकमा मात्रै १ अर्ब ५ करोड १४ लाखभन्दा बढी खर्च ।
१०. नेपालमा पछिल्लो २४ घण्टामा थप २८६ जनामा कोरोना संक्रमण पुष्टि, ४७९ जना संक्रमणमुक्त, सक्रिय संक्रमितको संख्या ४ हजार ३४८ पुग्यो ।
११. कारोबारको पहिलो दिन घट्यो सेयर बजार, नेप्से परिसूचक ७.७२ अंकले घट्दा २ अर्ब ४ करोड रुपैयाँ बराबरको सेयर किनबेच ।
१२. पाकिस्तानका पूर्वप्रधानमन्त्री इमरान खानमाथि स्याटेलाइट टेलिभिजन च्यानल र लाइभ प्रसारणमा प्रतिबन्ध, ‘हेट स्पिच’को आरोप ।
१३. भारतका विभिन्न राज्यहरुमा आएको बाढीमा परि ३२ जनाको मृत्यु, दर्जनौँ बेपत्ता, ४ लाख बढी मानिस प्रभावित ।
१४. आईसीसी पुरुष टी–ट्वान्टी विश्वकप क्रिकेटको ट्रफी सर्वोच्च शिखर सगरमाथाको आधार शिविरमा पुर्याइने, यसै महिना नेपाल आइपुग्ने ट्रफीसँग समर्थकहरुले तस्बिर खिच्न पाउने ।
१५. प्रिमियर लिगको राउन्ड ३ अन्तर्गतको फुटबल खेलमा आज न्यूक्यासल र म्यानचेस्टर सिटी भिड्दै, घरेलु मैदानको फाइदा उठाउदै बलियो टोलीविरुद्ध जित निकाल्ने दाउमा न्यूक्यासल ।
यो खबर पढेर तपाईलाई कस्तो महसुस भयो ?
प्रतिक्रिया