एजेन्सी । पेरिस सेन्ट जर्मेन ‘पिएसजी’ले जारी फ्रेन्च लिग वानमा आफ्नो अपराजित यात्रालाई कायमै राखेको छ ।
बुधवार राति सम्पन्न भएको खेलमा ‘पिएसजी’ले रेइम्सलाई ४–१ को गोल अन्तरले पराजित गर्यो। खेल शुरु भएको २ मिनेटमा नै रेइम्सका लागि जेभियर चाभालिरिनले पहिलो गोल गर्दै क्लबलाई शुरुवाती अग्रता दिलाए ।
चाभालिरिनले गोल गरेपछि निकै आक्रामक खेल खेलेको ‘पिएसजी’ले तीन मिनेटमा नै गोल फर्कायो । खेलको पाँचौ मिनेटमा इडिन्सन काभानीले गोल गर्दै खेललाई एक-एकको गोलको बराबरीमा ल्याए ।
प्रतिस्पर्धात्मक बनेको खेलको २४ औँ मिनेटमा नेयमारले गोल गरे । सुधारिएको खेल खेलको ‘पिएसजी’ले पहिलो हाफ सकिै लाग्दा काभानीले व्यक्तिगत दोस्रो तथा क्लबका लागि तेस्रो गोल गरे । ५५ औँ मिनेटमा म्युनियरले गोल गर्दै ‘पिएसजी’लाई ४-१ को अग्रता दिलाए ।
त्यसपछि खेलमा थप गोल भएन र खेल द्धपिएसजी’ ४-१ ले जित्यो । यो जितपछि ‘पिएसजी’ले ७ खेलबाट २१ अंक जोड्दै लिगको शिर्ष स्थानमा छ ।
यो खबर पढेर तपाईलाई कस्तो महसुस भयो ?
प्रतिक्रिया