काठमाडौं । नेकपा माओवादी केन्द्र निकटको अखिल क्रान्तिकारीले त्रिभुवन विश्वविद्यालय ‘त्रिवि बचाउ संघर्ष’ सुरु गरेको छ।
विश्वविद्यालय सुधारको लागि आन्दोलनको आवश्यकता नसकिएको भन्दै विश्वविधालय रुपान्तरणको लागि आन्दोलनहरुको स्वरूप बदल्ने उचित समय आएको अखिल क्रान्तिकारीको भनाइ छ।
उसले विज्ञप्ति जारी गर्दै संघर्षका कार्यक्रम समेत सार्वजनिक गरेको छ।
अखिल क्रान्तिकारीले संघर्ष अन्तर्गत भाद्र १५ देखि २२गते सम्म २४ घण्टा विश्वविद्यालय खुल्ला रहने अभियान सुरु गरेको छ।
उसले विम्वात्मकरुपमा विश्वविद्यालय २४ घण्टा खुल्ला राख्ने जनाएको छ। त्यस्तै कक्षाकोठाहरु खुल्ला राख्दै पढाई सुचारु गर्ने र सबै तहका कार्यकक्षहरु खुल्ला राख्ने उसले जनाएको छ।
विम्वात्मकरुपमा बत्तीहरु खुल्ला राख्ने र बिम्बात्मकरुपमा पानीको धाराहरु खुल्ला राख्ने अखिल क्रान्तिकारीले स्पष्ट पारेको छ।
वित्वात्मकरुपमा विश्वविद्यालयको गेटहरु खुल्ला राख्ने भन्दै अखिल क्रान्तिकारीले विश्वविद्यालय सुधारको लागि राख्दै आएका मागहरु पुरा नगरिए थप संघर्षका कार्यक्रमहरु घोषणा गर्न बाध्य चेतावनी समेत दिएको छ।
यो खबर पढेर तपाईलाई कस्तो महसुस भयो ?
प्रतिक्रिया