काठमाडौं । चितवन टाईगर्स आरी आधीअवादी ‘एभीएल’ महिला भलिबल प्रतियोगिताको फाइनलमा प्रवेश गरेको छ ।
त्रिपुरेश्वरस्थि राष्ट्रिय खेलकुद परिषद्को कबर्ड हलमा मंगलवार सम्पन्न भएको सेमिफाइनल खेलमा चितवन टाईगर्सले विभागीय टिम नेपाल पुलिस क्लबलाई ३–० को सेटमा हराउँदै अन्तिम दुईको स्थान तय गरेको हो ।
चितवन टाईगर्सले खेलको पहिलो सेट २५–११ ले सहजै आफ्नो पक्षमा पारेको थियो । त्यस्तै, दोस्रो सेट २५–१४ ले जित्दै खेलमा आफ्नो बलियो पकड देखाएको थियो ।
तर, प्रतिस्पर्धात्मक बनेको अन्तिम सेटमा भने चितवन टाईगर्सलाई पुुलिस क्लबले निक्कै कडा टक्कर दिएको थियो । जसमा चितवनले २५–२३ ले खेल जित्यो ।
चितवन टाईगर्सले अब उपाधिका लागि एपीएफ र न्यू-डायमण्डबीचको विजेतासँग प्रतिस्पर्धा गर्नेछ ।
यो खबर पढेर तपाईलाई कस्तो महसुस भयो ?
प्रतिक्रिया