मैत्रीपूर्ण खेलमा कतार विजयी, इक्वाडर पराजित

एजेन्सी । अन्तर्राष्ट्रिय मैत्रीपूर्ण खेलमा कतार विजयी भएको छ । 

आफ्नो घरेलु मैदानमा शुक्रवार राति सम्पन्न भएको खेलमा एशियाली राष्ट्र कतारले दक्षिण अमेरिकी इक्वाडरलाई ४-३ गोल अन्तरले पराजित गर्न सफल भएको हो । 

कतारको जितमा अल्मोइज अलीले २ तथा अक्रम अफिफ र हसन अल हाइडोजले समान १-१ गोल गरे । इक्वाडरका लागि  इनर भ्योलेन्सियाले २ तथा जोसे सेभालसले एक गोल गरे । 

कतारका लागि अलिले खेलको ३६ औँ र ६८ औँ मिनेटमा, अफिफले ३२ औँ मिनेटमा तथा हाइडोजले ६१ औँ मिनेटमा पेनाल्ठीमार्फत गोल गरेका थिए । 

यता, इक्वाडरको लागि भ्यालेसिन्याले खेलको ६६ औँ र ७१ औँ मिनेटमा दुई तथा सेभालसले ९४ औँ मिनेटमा गोल गरे ।