मेगा बैंकको खुद मुनाफा ५० करोड ९१ लाख

काठमाडौं । मेगा बैंकले चालु आर्थिक बर्षको पहिलो त्रैमासिक अवधिमा ५० करोड ९१ लाख ६९ हजार दुई सय ७८ रुपैयाँ खुद मुनाफा आर्जन गरेको छ । गत आर्थिक वर्षको सोही अवधिमा भने बैंकको यस्तो नाफा ९१ करोड ४६ लाख ८६ हजार छ सय ८९ रुपैयाँ रहेको थियो ।

हाल चुक्ता पुँजी १६ अर्ब १२ करोड चार लाख ६१ हजार चार सय ५३ रुपैयाँ रहेको बैंकले चालु आर्थिक वर्षको पहिलो त्रैमासमा एक खर्ब ५५ अर्ब १६ करोड ३० लाख ५३ हजार नौ सय ४७ रुपैयाँ निक्षेप संकलन गरी एक खर्ब ५० अर्ब ८३ करोड ३१ लाख ५६ हजार नौ सय ३० रुपैयाँ कर्जा प्रवाह गरेको छ । सोे अवधिमा एक अर्ब ७९ करोड ९५ लाख ४७ हजार पाँच सय रुपैयाँ खुद ब्याज आम्दानी गरेको बैंकमा एक दशमलव ६२ प्रतिशत कर्जा निष्क्रिय रहेको छ । सो अवधिमा चार दशमलव पाँच प्रतिशत स्प्रेड दर रहेको बैंकको वितरणयोग्य नाफा भने एक अर्ब ५८ करोड २६ लाख ८८ हजार पाँच सय ४९ रुपैयाँ रहेको छ ।

गत आर्थिक वर्षको सोही अवधिमा भने बैंकले एक खर्ब ५३ अर्ब ४८ करोड २२ लाख ७७ हजार तीन सय ६० रुपैयाँ निक्षेप संकलन गरी एक खर्ब ४६ अर्ब ४६ करोड सात लाख ११ हजार १० रुपैयाँ कर्जा प्रवाह गरेको थियो । उक्त अवधिमा एक अर्ब ५१ करोड ७३ लाख ५३ हजार छ सय ५२ रुपैयाँ खुद ब्याज आम्दानी गरेको बैंकमा शुन्य दशमलव ८९ प्रतिशत कर्जा निष्क्रिय रहेको थियो भने स्प्रेड दर तीन दशमलव ४८ प्रतिशत रहेको थियो ।