काठमाडौं । चलचित्र ‘गुनगुन’ को गीत सार्वजनिक गरिएको छ । फिल्म युनिटले यसअघि पनि पहिलो गीत सार्वजनिक गरेको थियो ।
सामाजिक कथा उठान गरिएको फिल्मको ‘चम्क्यो तारा चमक्क’ बोलको गीत सार्वजनिक गरिएको हो । गीतको भिडियोमा फिल्मकी अभिनेत्री सञ्चिता लुइँटेल र सन्नी ढकालले अभिनय गरेका छन् ।
गीतको भावमा प्रेमलाई प्रस्तुत गरिएको छ । सार्वजनिक गरिएको गीतमा प्रदीप भट्टराईका शब्द छन् भने विकास चौधरीको संगीत रहेको छ । यस्तै गीतमा अहिलेकी चर्चित गायिका मेलिना राई र दौलत राईको स्वर रहेको छ ।
गीतको कोरियोग्राफी रामजी लामिछानेले गरेका हुन् ।
सञ्चिता र सन्नीका अलावा निर्देशक तथा निर्माता पुकार भट्टराई , नायक सुवास मेचे, रविन्द्र प्रताप सेन , नविन श्रेष्ठ , गणेश जिसी , देशभक्त खनाल , अनु भण्डारी , सुमेश श्रेष्ठ , राधा दाहाल , भिम मैनाली , बाल्दिप राई , विपिन प्रसाई लगायतको अभिनय रहेको फिल्म आउँदो कार्तिक ३० गतेबाट प्रदर्शनमा हुनेछ ।
समाजमा हुने विभिन्न घटनालाई प्रस्तुत गरेर तयार पारिएको उक्त फिल्म प्राथना फिल्मको ब्यानरमा निर्माण भएको हो । चलचित्रमा अर्जुन जिसीको सम्पादन रहेको छ भने सौरभ लामाले खिचेका हुन् ।
यो खबर पढेर तपाईलाई कस्तो महसुस भयो ?
प्रतिक्रिया