बहुप्रतीक्षित ‘२.०’ को ट्रेलरमा रजनीकान्त र अक्षयकुमारको भीडन्त (भिडियो)

मुम्बई । सन् २०१० मा रिलिज भएको सुपरस्टार रजनीकान्तको फिल्म ‘रोबोट’ को सिक्वेल ‘२.०’ को ट्रेलर सार्वजनिक भएसँगै यसको चर्चा अझ बढी शुरु भएको छ । यो फिल्मको ट्रेलरका लागि दर्शकले लामो समयदेखि प्रतीक्षा गरिरहेका थिए ।

शंकरले निर्देशन गरेको यो फिल्ममा रजनीकान्त र अक्षयकुमारको भीडन्त देख्न सकिन्छ । साइन्स फिक्सन यो फिल्मको सीजीआईलाई लिएर दर्शकले मिश्रित प्रतिक्रिया दिएका छन् । झण्डै ६ सय करोडमा बनेको फिल्ममा सुपरस्टार रजनीकान्त रोबोट (चिट्टी) र वैज्ञानिकका भूमिकामा देखिएका छन् । यस्तै सिनेमामा भिलेनका रुपमा अक्षयकुमार देखिएका छन् भने एमी ज्याक्सनको पनि मुख्य भूमिका छ ।

ट्रेलर रिलिज भएको छोटो समयमा नै करोडभन्दा बढीले हेरिसकेका छन् ।

निर्देशक शंकरले नै लेखेको यो फिल्म मंसिर १३ गते (नोभेम्बर २९) मा रिलिज हुँदैछ ।