नेपाली बजारमा ‘बिएमडब्लु’को नयाँ बाइक भित्रदै

काठमाडौँ। कार उत्पादक कम्पनी ‘बिएमडब्लु’ले कारको सौखिन युवाहरुलाई लक्षित गर्दै ‘प्रिमियम सेग्मेन्ट’का मोटरसाइकलहरु नेपाली बजार उपलब्ध गराउने भएको छ । 

‘बिएमडब्लु’का दुई वटा ब्रान्डका बाइक आगामी डिसेम्बरमा नेपालमा भित्र्याउने तयारी भइरहेको बताइएको छ । 
 
अन्य बाइकको तुलनामा  फरक र प्रतिस्पर्धा नै गर्न नसकिने बिशेषताले भएको यो बाइक चाँडै नै नेपाल ल्याउने तयारी भइरहेको छ । पञ्चकन्या ग्रुप अन्तर्गत र्टक मोटर टेडिङले यो बाइक नेपाल भित्र्याउन लागेको हो । उक्त ‘बिएमडब्लु’ ३१० आर बाईक एक सिलिन्डर इन्जिनमा उपलब्ध छ ।

बाइकको अधिकतम पावर ९ हजार ५ सय आरपिएममा ३४ हर्स पावर रहेको छ ।

बाइकलाई अधिकतम  ९० माइल प्रतिघण्टाको गतिमा दौडाउन सकिन्छ । बाइकमा इएफआई प्रविधिबाट इन्जिनमा इन्धन आपुर्ती हुने भएकोले धेरै माइलेज दिन सहयोगी हुनेछ । 

कम्पनीले  नेपाली बजारमा उचित मुल्य निर्धारण गरि मोटरसाइकल उपलब्ध गराउने जनाएको छ । ३१० आर दुई मोडलका बाइक ३ सय १३ सिसी क्षमताका बाइक हुन् ।