सय करोडमा ‘बधाई हो’, राख्यो यो रेकर्ड

मुम्बई – यो वर्ष आयुष्मान खुरानाका लागि विशेष साल बनेको छ । उनको फिल्म ‘बधाई हो’ ले बक्स अफिसमा सय करोड कमाएको छ । यसका अलावा यस वर्ष रिलिज भएका उनको अर्को फिल्म अंधाधुन ले पनि बक्स अफिसमा राम्रो कमाइ गरेको थियो ।

आयुष्मानको फिल्म ‘बधाई हो’ उनको करिअरको अहिलेसम्मको सबैभन्दा ठूलो फिल्म बनेर अगाडि आयो । फिल्मलाई दर्शकबाट भरपूर माया मिलेको छ । फिल्म १ सय करोडको कमाइ गर्न सफल भएको छ ।

ट्रेड एनेलिस्ट तरण आदर्शले फिल्मको कमाइको आँकडा ट्वीटरमा शेयर गर्दै तेस्रो हप्तामा आइपुग्दा फिल्मको व्यापार नरोकिएको बताए । फिल्म रिलिजको १७ दिनमा सय करोड कमाएको हो ।

यो फिल्मलाई दर्शकले रुचाएका छन् भने समीक्षकले पनि तारिफ गरेका छन् ।