एजेन्सी । इंग्लिस प्रिमियर लिग फुटबल प्रतियोगिता अन्तर्गत हडर्सफिल्ड टाउन विजयी भएको छ ।
सोमवार राति सम्पन्न भएको लिगको ११ औँ चरणको खेलमा हडर्सफिल्डले फुलह्यालमई १-० गोल अन्तरले पराजित गर्न सफल भएको हो ।
प्रतिस्पर्धात्मक खेलको २९ औँ मिनेटमा फोसु मेन्साहले आत्मघाती गोल गरे । मेन्साहको दिएको उपहार गोलले नै हडसफिल्डले फुलह्याममाथि जित दर्ता गराएको हो ।
प्रतिस्पर्धात्मक र रोमाञ्चक बनेको खेलको निर्धारित समयसम्म फुलह्यामले पनि केही गोल गर्ने मौका पाएपनि सदुपयोग भने गर्न सकेन र खेलमा १-० को हार बेहोरेको हो । जितपछि हडर्सफिल्डले ६ अंकका साथ लिगको १८ औँ स्थानमा छ ।
२९ अंकका साथ म्यान्चेस्टर सिटी लिगको शिर्ष स्थानमा छ । दोस्रो स्थानमा रहेको चेल्सीको २७ अंक छ । समान २७ अंक नै बनाएको लिभरपुल गोल अन्तरको आधारमा चेल्सीसँग पछाडि रहँदै लिगको तेस्रैो स्थानमा छ ।
यो खबर पढेर तपाईलाई कस्तो महसुस भयो ?
प्रतिक्रिया