एजेन्सी । जारी जर्मन बुन्डेस लिगा फुटबल अन्तर्गत बोरुसिया डर्टमण्ड विजयी भएको छ।
शनिवार राति सम्पन्न भएको खेलमा बोरुसिया डटमुण्डले डिफेन्डिङ च्याम्पियन वार्यन म्युनिखलाई ३-२ गोल अन्तरले पराजित गरेको हो ।
वार्यनका लागि खेलको २६ औँ मिनेटमा रोवर्ट लेवान्डोस्कीले पहिलो गोल गर्दै क्लबलाई शुरुवाती अग्रता दिलाए । खेलको पहिलो हाफसम्म १-० गोल अन्तरले पछाडि रहेको बोरुसियाका लागि ४९ औँ मिनेटमा मार्को रेउसले पेनाल्टीमार्फत गोल गर्दै खेललाई एक-एक गोलको बराबरीमा ल्याए ।
त्यस्तै ५२ औँ मिनेटमा पुनः लेवान्डोस्कीले दोस्रो गोल गरे । प्रतिस्पर्धात्मक र रोमाञ्चक बनेको खेलको ६७ औँ मिनेटमा बोरुसियाका लागि रेउसले व्यक्तिगत दोस्रो गोल गर्दै क्लबलाई बराबरीमा ल्याए ।
खेलको ७३ औँ मिनेटमा पाको एल्कासेरले गोल गरे । जितपछि बोरुसिया डटमुण्डले ११ खेलबाट २७ अंक जोडेको छ । वार्यनले जारी लिगको बेहोरेको यो तेस्रो हार हो । वार्यनले खेलको ११ खेल मध्ये ६ मा जीत र २ खेलमा बराबरी गर्दै २० अंक बनाउँदै लिगको तेस्रो स्थानमा छ ।
शनिवार राति नै भएको अर्को खेला फोर्टुनाले हेर्थालाई ४-१ गोल अन्तरले तथा मेन्जले एससी फेरिवर्गलाई ३-१ गोल अन्तरले पराजित ग-यो ।
यो खबर पढेर तपाईलाई कस्तो महसुस भयो ?
प्रतिक्रिया