यस्तो छ ‘जात्रै जात्रा’ को टिजर (भिडियो)

काठमाडौं । चलचित्र ‘जात्रै जात्रा’ को टिजर सार्वजनिक गरिएको छ । निर्माण टिमले युट्युबमार्फत फिल्मको टिजर सार्वजनिक गरेको हो ।

आउँदो फागुन १७ गतेबाट प्रदर्शनमा आउने यो चलचित्र सफल चलचित्र ‘जात्रा’ को सीक्वेल हो । उक्त फिल्मका मुख्य तीन कलाकार रविन्द्र झा, रविन्द्र सिंह बानिया र विपिन कार्कीसँगै अर्का अभिनेता दयाहाङ राईलाई पनि टिजरमा देख्न सकिन्छ । चलचित्रमा लेखन तथा निर्देशन प्रदीप भट्टराईको रहेको छ ।

सिगे लामा र यादव पौडेलको निर्माण रहेको फिल्मलाई शिवराम श्रेष्ठले खिचेका हुन् । यस्तै फिल्मलाई मित्र डी गुरुङले सम्पादन गरेका हुन् । चलचित्रमा विपिन, दयाहाङ, रविन्द्र झा, र रविन्द्र सिंह बानियासँगै वर्षा राउत, राजाराम पौडेल, प्रकाश घिमिरे, सोहित मानन्धर, कालु राना, अन्सु महर्जन लगायतका कलाकारले पनि अभिनय गरेका छन् ।

चलचित्रलाई डार्क कमेडी फिल्म विधामा निर्माण गरिएको छ ।