काठमाडौं । पूर्व राष्ट्रिय खेलाडी सन्तोष साहुखल शहिद स्मारक ‘ए’ डिभिजन लिग फुटबल प्रतियोगिता खेल्न नेपाल आइपुगेका छन् ।
विगत केही वर्ष देखि जापानमा बसोबास गर्दै आइरहेका साहुखल बिहीवार नेपाल आइपुगेका हुन् । साहुखल ‘ए’ डिभिजन लिग खेल्नैको लागि नेपाल आएको बताइएको छ । घरेलु लिग फुटबलका सर्वाधिक सफल खेलाडीका रुपमा परिचित साहुखललाई च्यासल युथ क्लबको आग्रहमा नेपाल आएको हो ।
यहि मंसिर १ गतेबाट पुनः शुरु हुन लागेको ‘ए’ डिभिजन लिगमा साहुखल च्यासल क्लबबाट मैदानमा उत्रिन तयार रहेको बताइएको छ ।
यसअघि सन्तोषले घरेलु लिगमा थ्री स्टार क्लब, मनाङ मर्स्याङ्दी क्लब र एपीएफ क्लबबाट व्यवसायिक क्लब खेल खेलेका थिए । त्यस्तै उनले बंगलादेशको क्लब अब्बानी लिमिटेडमा ३ वर्ष बिताएका थिए ।
सन् २००७ मा राष्ट्रिय टोलीमा डेब्यु गरेका साहुखलले सन् २०१५ मा अन्तिम पटक राष्ट्रिय टिमबाट खेल खेलेका थिए ।
यो खबर पढेर तपाईलाई कस्तो महसुस भयो ?
प्रतिक्रिया