फेडेरर ‘एटीपी’ फाइनल्स टेनिसको सेमिफाइनलमा प्रवेश

एजेन्सी । स्विट्जरल्याण्डका रोजर फेडेरर जारी ‘एटीपी’ फाइनल्स टेनिस च्याम्पियनसिपको सेमिफाइनलमा प्रवेश गरेका छन् । 

बिहीवार राति सम्पन्न भएको पुरुष एकलतर्फको समूहको अन्तिम खेलमा स्विस फेडेररले  दक्षिण अफ्रिकाका केभिन एन्डरसनलाई २-० को सोझो सेटमा पराजित गर्दै अन्तिम चारमा प्रवेश गरेको हो।

६ पटकका च्याम्पियन फेडेररले एन्डरसनलाई खेलको पहिलो सेटमा ६-४ र ६-३ को सेटमा पराजित गरे ।

जितसँगै फेडेरर १५ पटक यो प्रतियोगिताको सेमिफाइनलमा प्रवेश गरेको हो । यस अघि विश्व नम्बर एक सर्बियाली नोभाक जोकोभिचले पनि सेमिफाइनलको यात्रा तय गरिसकेको छ ।