काठमाडौँं । गतवर्षको सर्वाधिक हिट गीत ‘साइँली’ को पृष्ठभूमिमा रहेर सिनेमा निर्माण गर्ने घोषणा गरिएको थियो । निर्माण टिमले रिलिज मिति सार्वजनिक गर्दै सोही फिल्मको फस्ट लूक सार्वजनिक गरेको छ ।
रामबाबु गुरुङको लेखन तथा निर्देशन रहेको यो फिल्ममा मेनुका प्रधान, गौरव पहारी, दयाहाङ राई, केनिपा सिंह, माओत्से गुरुङ, प्रकाश घिमिरे, लोकेन्द्र लेखक लगायतका कलाकारले अभिनय गरेका छन् ।
यसअघि गीत ‘साइँली’ को भिडियोमा गौरव र मेनुकाको अभिनय थियो । यो गीत तत्कालीन समयमा निकै भाइरल भएको थियो ।
सार्वजनिक गरिएको फस्ट लूकमा मेनुका प्रधानलाई देखाइएको छ । उनी चलचित्रमा साइँलीको भूमिकामा छिन् ।
चैत १५ गतेबाट प्रदर्शनमा आउने यो फिल्ममा विशाल गुरुङ र मोहन राना मगरको लगानी रहेको छ । यस्तै चलचित्रमा हेमन्त राना, कालीप्रसाद बाँस्कोटा र सुशान्त गौतमको स्वर रहनेछ भने, कालीप्रसाद बाँस्कोटा र सुशान्त गौतमको संगीत रहनेछ ।
चलचित्रमा रोहित शाक्यको पाश्र्वध्वनि, निमेश श्रेष्ठको सम्पादन र शैलेन्द्र डी कार्कीको छायांकन रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया