काठमाडौं । शहिद स्मारक 'ए' डिभिजन लिग फुटबल प्रतियोगिता अन्तर्गत विभागिय टिम नेपाल पुलिस क्लबले मच्छिन्द्र क्लबसँग गोलरहित बराबरी खेलेको छ ।
सातदोबाटोस्थित एन्फा कम्प्लेक्सको मैदानमा आइतवार भएको दोस्रो चरणको खेलमा मच्छिन्द्र क्लबले उपाधिको दाबेदार मानिएको पुलिसलाई गोल रहित बराबरी रोक्दै समान एक-एक अंक बाडेका छन् ।
प्रतिस्पर्धात्मक खेलको पहिलो हाफसम्म दुवै क्लब गोल रहित बराबरीमा रोकिएका थिए । शुरुवाती समयदेखि नै विभागिय खेलाडीहरुले मच्छिन्द्रलाई दवावमा राखेपनि गोल गर्न भने सकेन । ३२ औँ मिनेटको खेल चलिरहदा पुलिसले उत्कृष्ट गोल गर्नेमा चुकायो ।
पुलिस क्लबका अभिषेक रिजालको उत्कृष्ट प्रहार मच्छिन्द्रका गोलरक्षक दिप कार्कीले बचाए ।
दोस्रो हाफमा आक्रामक खेल खेलेको पुलिसलाई मच्छिन्द्रले खेल अवधिभर निक्कै कडा टक्कर दिएका थिए । निर्धारित समयसम्म दुवै क्लबले केही गोल गर्ने मौका पाएपनि सदुपयोग भने गर्न सकेन र खेलमा बराबरी खेल्यो ।
यसअघि पहिलो चरणको खेलमा पुलिस क्लबले जावलाखेल युथ क्लबलाई पराजित गरेको थियो । बराबरीपछि पुलिस क्लबले ४ अंक बनाएको छ भने मच्छिन्द्रको २ अंक छ । यसअघि मच्छिन्द्रले च्यासल युथ क्लबसँग गोल रहित बराबरी खेलेको थियो ।
यो खबर पढेर तपाईलाई कस्तो महसुस भयो ?
प्रतिक्रिया