कतार विश्वकप : सेमिफाइनल समीकरण पूरा

काठमाडौं । कतारमा जारी फिफा विश्वकप फुटबलको सेमिफाइनल समीकरण पूरा भएको छ । शनिबार राति भएको क्वाटरफाइनल खेल सकिएसँगै विश्वकपको सेमिफाइनलमा चार देशले आफ्नो स्थान सुरक्षित बनाएका छन् ।

फ्रान्स, क्रोएसिया, अर्जेन्टिना र मोरक्कोले सेमिफाइनलमा आफ्नो स्थान पक्का बनाएका हुन् ।

पहिलो सेमिफाइनलमा अर्जेन्टिना र क्रोएसियाबीच प्रतिस्पर्धा हुनेछ । पहिलो सेमिफाइनल मंगलबार राति १२:४५ मा शुरु हुनेछ ।

यस्तै दोस्रो सेमिफाइनल खेलमा मोरक्को र फ्रान्सबीच प्रतिस्पर्धा हुनेछ । दोस्रो सेमिफाइनल खेल बुधबार राति हुनेछ ।

क्वाटर फाइनलबाट ब्राजिल नेदरल्याण्ड पोर्चुगल र इङल्याण्ड बाहिरिएका छन् ।