काठमाडौं । भारतीय मोडल अली खान र नायिका दिपशिखा खड्काको मुख्य भूमिका रहेको चलचित्र ‘प्रेमलीला’ का एकसाथ ४ पोस्टर सार्वजनिक गरिएको छ । ती पोस्टरमा फिल्मका तीन मुख्य पात्र नायिका दिपशिखा खड्का र नायक द्वय अलि खान र मौसम खड्कालाई प्रस्तुत गरिएको छ । नायिका दिपशिखालाई दुई नायकसँग प्रस्तुत गरिएको छ ।
दीपशिखा अलि र मौसमसँगै सुरज तमु, रेखा शाह, शर्मिला शर्मा, भारतीय कलाकारहरु अर्चना शुक्ला, ट्वीकंल श्रीवास्तव लगायतका कलाकारले अभिनय गरेको यो फिल्म अन्तर्देशीय प्रेम सम्बन्धको कथामा तयार पारिएको हो ।
चलचित्रमा पवन गौतमको छायांकन छ भने चन्दन दत्त र सालिक दुलालको सम्पादन, रामजी लामिछानेको कोरियोग्राफी रहेको छ । यस्तै फिल्ममा महेश खड्का, नविन कार्की र रविराज शाहको संगीत, राजेश पायल राई, शोभा पाण्डे र भारतीय गायक राजा हसनको स्वर सुन्न सकिन्छ ।
यो फिल्म माघ २५ बाट देशभर रिलिज हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया