एमबाप्पे र मेस्सी : क्लबमा सँगै, विश्वकपमा प्रतिद्वन्दी

काठमाडाैं । कतार विश्वकपको फाइनल खेल डिसेम्बर १८ मा हुँदै छ । विश्वकपको फाइनलमा साविक विजेता फ्रान्स र अर्जेन्टिना आमने सामने हुँदै छन् । २०१४ पछिमात्रै अर्जेन्टिनाले फाइनलमा स्थान बनाएको हो ।

फ्रान्सका स्टार एमबाप्पे र अर्जेन्टिनाका स्टार मेस्सी क्लब फुटबलमा एउटै क्लबमा आवद्ध रहेका छन् । उनीहरु फ्रन्च क्लब पेरिस सेन्ट जर्मनी (पीएसजी) बाट खेल्ने गरेका छन् । मेस्सी गत सिजन (२०२१) स्पेनिस क्लब बार्सिलोनाबाट पीएसजी गएका थिए । एमबाप्पे भने २०१७ देखि नै पिएसजीबाट खेल्दै आइरहेका छन् ।

क्लब फुटबलमा एकछत्र राज गरिरहेका यी २ स्टारहरुको फाइनलमा भेट हुँदैछ । एक अर्काको शैली निकै नजिकबाट बुझेका यी २ स्टार एक अर्का विरुद्धमैदान उत्रदा विश्वकप चुम्ने दाउमा रहेका छन् ।