एजेन्सी । रिभर प्लेटका समर्थकले बोका जुनियर्स टिमको बसमाथि आक्रमण गरेको भन्दै कोपा लिवर्टाडोरेसको फाइनल खेल स्थगित गरिएको छ ।
कोपा लिवर्टाडोरेस फुटबलको फाइनल खेल अन्तर्गत दोस्रो लेगको खेल अगाडि रिभर प्लेटका समर्थकहरुले बोका जुनियर्स चढेको बसमाथि आक्रमण गरेका थिए । दुई अर्जेन्टिनी क्लबबीचको फाइनल खेल एक दिनको लागि सारिएको बताइएको छ ।
यी दुई क्लबबीचको खेल आइतवार राति पौने २ बजे पछि शुरु हुनेछ । समर्थकहरुले प्रहार गरेको ढुङगाले लागेर केही खेलाडीहरु घाइते समेत भएका थिए । उनीहरुको स्थानिय अस्पतालमा सामान्य उपचार गरिएको थियो ।
आक्रमणकारीहरुलाई नियन्त्रणमा लिन प्रहरीले अश्रु ग्यास प्रहार गरेका थिए । आश्रुग्यासका कारण बोका जुनियर्सका खेलाडी बोका जुनियर्सका खेलाडीहरुलाई रिंगटा लाग्ने र बान्ता गर्ने समस्याका कारण टिम डाक्टरसँग उपचाररत छन् ।
बोका जुनियर्सकापाब्लो पेरेज र गोञ्जालो लामार्डो घाइते भएपछि अस्पताल लगिएको थियो । उनीहरुको आँखा र टाउकोमा चोट लागेको थियो । फाइलन खेल खेल्न रिभर प्लेटको मैदानमा आएका बोका जुनियर्सका खेलाडीमाथि स्टेडियम परिसरमा नै आक्रमण भएको बताइएको छ ।
यसअघि यी दुई क्लबबीचको खेल भने २-२ गोलको बराबरीमा सकिएको थियो ।
यो खबर पढेर तपाईलाई कस्तो महसुस भयो ?
प्रतिक्रिया