काठमाडौं । युवा अभिनेता प्रदीप खड्काको हिट चलचित्र ‘प्रेमगीत २’ युट्युमार्फत सार्वजनिक गरिएको छ । प्रदीप र अश्लेषा ठकुरीको मुख्य भूमिका रहेको यो फिल्मले एउटा छुट्टै खालको प्रेमलाई सम्बोधन गरेको छ ।
प्रदीप र अश्लेषाको जोडी रहेको यो सिनेमाको लभस्टोरीलाई हलमा दर्शकले रुचाएका थिए । हलमा रुचाएको यो सिनेमालाई युट्युबमा पनि दर्शकले उत्तिकै रुचाउने देखिएको छ । यो फिल्मलाई रिलिज भएको केही घण्टामै झण्डै दुई लाखले हेरका छन् ।
प्रदीप र अश्लेषाका अलावा कैलाश कटुवाल, कविता रेग्मी, शिशिर भण्डारी, कुमार कार्की, श्रद्धा प्रसाईं लगायतका कलाकारले अभिनय गरेको यो फिल्मको लेखन तथा निर्देशन रामशरण पाठकले गरेका हुन् ।
यस्तै चलचित्रमा वनिष शाह र भुपेन्द्र अधिकारीको सम्पादन छ । फिल्ममा पुरुषोत्तम प्रधानको छायांकन छ भने सन्तोष सेनले फिल्म निर्माण गरेका हुन् ।
यो खबर पढेर तपाईलाई कस्तो महसुस भयो ?
प्रतिक्रिया