काठमाडौं । अर्जेन्टिनालाई फिफा विश्वकप जिताएका स्टार फुटबलर लियोनल मेस्सीले मैदानमै थुप्रै कीर्तिमान तोडेका छन् । उनले मैदान बाहिर पनि धेरै कीर्तिमान बनाएका छन् ।
विश्वकप जितेपछि मेस्सीले सोसल मिडिया इन्स्टाग्राममा ट्रफीसहितको पोस्ट पोस्ट गरेका थिए । मेस्सीले पोस्ट गरेको उक्त फोटोमा ५ करोड २० लाखभन्दा बढी लाइक आएको छ । उनले एउटै इन्स्टाग्राम पोस्टमा सबैभन्दा धेरै लाइक पाउने खेलाडी बनेका छन् ।
यस मामिलामा मेस्सीले पोर्चुगलका स्टार फुटबलर क्रिस्टियानो रोनाल्डोको कीर्तिमान तोडेका छन् । रोनाल्डोले विश्वकप शुरु हुनुअघि मेस्सीसँग चेस खेलेको तस्बिर पोस्ट गरेका थिए । जसमा ४२ मिलियन भन्दा बढी लाइक आएको थियो । त्यसपछि उनले विश्व कीर्तिमान आफ्नो नाममा बनाएका थिए । तर, मेस्सी त्योभन्दा अगाडि पुगेका छन् । मेस्सीको यो पोस्टमा ५ करोड २० लाखभन्दा बढी लाइक भन्दा बढी लाइक छन् ।
आइतबार भएको फिफा विश्वकपको फाइनलमा अर्जेन्टिनाले डिफेन्डिङ च्याम्पियन फ्रान्सलाई पेनाल्टी सुटआउटमा ४–२ ले हराएको थियो ।
यो खबर पढेर तपाईलाई कस्तो महसुस भयो ?
प्रतिक्रिया