‘ए’ डिभिजन लिगमा आज दुई खेल हुँदै

काठमाडौं । जारी शहीद स्मारक ‘ए’ डिभिजन लिग फुटबल अन्तर्गत आज दुईवटा खेलहरु हुँदैछ । 

लिगको दुवै खेल सातदोबाटोस्थित एन्फा कम्प्लेक्सको मैदानमा हुनेछ । आज हुने पहिलो खेलमा ब्रिगेट ब्वाइज क्लबले सरस्वती क्लबको सामना गर्दैछ । 

त्यस्तै आजै हुने दोस्रो खेलमा मनाङ मस्याङदी क्लबले विभागीय टिम शसस्त्र प्रहरीको ‘एपीएफ’ क्लब आमने-सामने हुँदैछ । जारी लिगमा ब्रिगेट ब्वाइजले एक खेलमा जीत र दुईमा खेलमा हार बेहोरेको छ । ३ अंक मात्र जोडेको ब्रिगेट ब्वाइज अंक तालिकाको दशौं स्थानमा छ ।

त्यस्तै, एकमा जीत र दुई खेलमा हार बेहोरेको सरस्वती क्लब भने तालिकाको नबौं स्थानमा रहेको छ । 

यता आजै हुने मनाङ मस्याङदी र एपीएफ क्लब दुवै जितको खोजीमा हुनेछ । दिउँसो साढे २ बजे हुने खेलमा अहिलेसम्म मनाङ मस्याङदी क्लब अपराजित छ । एपीएपविरुद्धको खेलमा जीत हात पारे मनाङ लिगको शिर्ष स्थानमा उक्लिनेछ ।

मनाङको ९ अंक छ ।  एकमा हार, एक खेलमा बराबरी र एक खेलमा जीत हात पारेको एपीएफ ४ अंक सहित आठौं स्थानमा छ ।