साउदीको अल नसरबाट अनुबन्धित हुँदै पोर्चुगिज फरवार्ड रोनाल्डो

काठमाडौं । पोर्चुगिज फरवार्ड क्रिस्टियानो रोनाल्डो साउदी अरेबियाको क्लब अल नसरमा अनुबन्धको नजिक पुगेका छन् ।

स्पेनिस पत्रिका मार्काका अनुसार रोनाल्डो अल नसरमा अनुबन्धको नजिक पुगेको बताइएको छ । अल नसरले रोनाल्डोलाई कीर्तिमानी मूल्यमा अनुबन्ध गर्न लागेको हो ।

नसरले रोनाल्डोलाई वार्षिक १ सय ७५ मिलियन पाउन्डको अफर गरेको थियो ।

सम्भावित अनुबन्धको बारेमा छलफल गर्न रोनाल्डो रियाद पुगिसकेका छन् । ३७ वर्षीय रोनाल्डोले अल नसरसँग ७ वर्षको सम्झौता गर्ने बताईएको छ ।

म्यानचेस्टर युनाईटेड छाडेपछि रोनाल्डो क्लब विहीन रहेका छन् । रोनाल्डोको कप्तानीमा रहेको पोर्चुगल मोरक्कोसँग पराजित हुँदै कतार विश्वकपको क्वाटरफाइनलबाट बाहिरिएको थियो ।