काठमाडाैं । चर्चित फिल्म ‘टाइट्यानिक’ बाट चर्चामा आएका अभिनेता लियोनार्डो डिक्याप्रियो आज उद्योगमा ठूलो नाम छ । डिक्याप्रियो हलिउडमा फरक फरक भूमिका निर्वाह गर्दै आफ्नो अभिनयको बलले मानिसको मन जित्न सफल भएका छन् ।
साथै, डिक्याप्रियोको पनि व्यक्तिगत जीवनको बारेमा धेरै हेडलाइन बन्ने गरेका छन् । लियोनार्डो डिक्याप्रियो प्रायः आफ्नो डेटिङ लाइफलाई लिएर चर्चामा आउँछन्।
यसैबीच, अहिले उनी फेरि एकपटक युवा मोडलसँग डिनर डेटमा देखिएका छन्, त्यसपछि उनीहरुको डेटिङको खबर बाहिरिन थालेको छ ।
डिक्याप्रियो र मोडल भिक्टोरिया लामास केही दिन अघि डिनरमा गएका थिए। त्यसयता दुवैको डेटिङको चर्चा चलिरहेको छ । लियोनार्डो र भिक्टोरियाबीच २५ वर्षको अन्तर रहेको बताइएको छ । ४८ वर्षीय अभिनेता २३ वर्षीय मोडलसँग रेष्टुरेन्टमा देखिएका थिए ।
लियोनार्डो डिक्याप्रियोले यसै वर्ष आफ्नो पूर्व प्रेमिका क्यामिला मोरोनसँग ब्रेकअप गरेका थिए । क्यामिला मोरोन २५ वर्षकी थिइन् र उनको ब्रेकअपपछि लियोनार्डोले ट्रोलको सामना गर्नुपरेको थियो ।
यो खबर पढेर तपाईलाई कस्तो महसुस भयो ?
प्रतिक्रिया