क्रिकेटर ऋषभ पन्त चढेको गाडी दुर्घटना, अवस्था गम्भीर

काठमाडौं । दिल्ली–देहरादुन राजमार्गमा शुक्रबार आफ्नो कार डिभाइडरमा ठोक्किँदा त्रिकेटर ऋषभ पन्त घाइते भएका छन् । टाउको, ढाड र खुट्टामा चोट लागेको पन्तलाई अस्पतालमा भर्ना गरिएको छ तर उनको अवस्था गम्भीर रहेको बताइएको छ ।

दुर्घटनास्थलबाट खिचिएको प्रारम्भिक तस्बिरमा पन्त चढेको गाडी पूर्णरुपमा जलेको देख्न सकिन्छ । अर्को तस्बिरमा, भारतीय क्रिकेटरलाई टाउकोमा पट्टी बाँधिएको र ढाडमा गहिरो चोट लागेको देखिन्छ । बंगलादेशविरुद्धको सिरिज सकिएपछि पन्त दुबई गएका थिए जहाँ उनी भारतीय पूर्व कप्तान महेन्द्र सिंह धोनीसँग भेटघाट गरेका थिए ।

दुवैको तस्बिर धोनीकी श्रीमती साक्षीले पनि पोस्ट गरेकी छिन् । यो बुझिएको छ कि पन्त यस हप्ताको सुरुमा भारत फर्केका थिए, र आफ्नो गृहनगर रुर्की जाँदै थिए जब उनी दिल्लीबाट आउँदै गर्दा उनको कार मंगलौर नजिकै डिभाइडरमा ठोक्एिको अनुमान गरिएको छ ।