रोनाल्डोको स्वागतमा झुम्यो साउदीको अल नसर

काठमाडौं । पोर्चुगिज फरवार्ड क्रिस्टियानो रोनाल्डो साउदी अरेबियाको क्लब अल नसर पुगेका छन् । घरेलु मैदान म्रसोल पार्कमा मंगलबार राति एक विशेष समारोहमा अल नसरले रोनाल्डोलाई सार्वजनिक गरेको हो ।

रोनाल्डोलाई स्वागत गर्न हजारौ समर्थक स्टेडियम पुगेका थिए । कार्यक्रममा बोल्दै रोनाल्डोले आफुले युरोपमा सबै कुरा प्राप्त गरेको र यो नयाँ चुनौती भएको बताएका छन् ।

आफुलाई अन्य थुप्रै राष्ट्रको क्लबले अफर गरेको भएपनि प्रतिस्पर्धात्मक लिग भएकाले साउदी आएको रोनाल्डोले बताएका छन् ।

रोनाल्डोले साउदीको क्लबसँग साढे दुई वर्षको सम्झौता गरेका छन् । रोनाल्डो २०२५ सम्म साउदी अरेबियाको क्लबमा रहने छन् ।