पारा राष्ट्रिय च्याम्पियनसिप आजदेखि शुरु हुँदै

काठमाडौं । राष्ट्रिय खेलकुद परिषद् ‘राखेप’को आयोजनामा पारा राष्ट्रिय खेलकुद च्याम्पियनसिप सोमवारदेखि शुरु हुँदैछ ।

प्रतियोगिताको सम्पूर्ण खेल लगनखेलस्थित आर्मी शारीरिक तालिम तथा खेलकुद केन्द्रमा हुनेछ ।  प्रतियोगितामा पारा खेलकुदसँग सम्बन्धित विभिन्न १८ खेलको प्रतिस्पर्धा हुने पारा राष्ट्रिय खेलकुद च्याम्पियनसिप व्यवस्थापन समितिका सदस्य–सचिव मिनकुमार शर्माले जनाएका छन् । 

एक महिनाको अवधिमा सम्बन्धित खेल संघले प्रतियोगिता सम्पन्न गर्नु पर्नेछ ।

प्रतियोगितामा १ हजार १ सय खेलाडीको सहभागिता रहने सदस्य–सचिव शर्माले जानकारी गराए । करिब ४० लाख रुपैयाँ खर्च हुने अनुमान गरिएको प्रतियोगितामा १ सय ५० स्वर्णका लागि प्रतिस्पर्धा हुनेछ ।