‘नेप्से’द्वारा सूचीकृत दुई कम्पनीको कारोबारमा रोक्का

काठमाडौं । नेपाल स्टक एक्सचेन्ज ‘नेप्से’ले दुई सूचीकृत कम्पनीको सम्पुर्ण कारोबार बन्द गरेको छ । 

नेप्सेले नाडेप लघुबित्त वित्तीय संस्था र नेपाल ल्युब आएलको सबै कारोबार रोक्का गरेको बताइएको छ । दुई सूचीकृत कम्पनीले दोस्रो बजारको कारोबारमा फरक पार्ने खालका निर्णय तत्काल नेप्सेलाई नबुझाएको कारण कारोबार रोक्का गरिएको नेप्से जनाएको छ । 

नाडेप लघुबित्तको गत मंसिर १२ गते बसेको सञ्चालक समितिको  बैठकले शेयरधनीलाई लाभांश दिने निर्णय गरेको थियो। तर, उक्त निर्णयको जानकारी संस्थाले १३ गते साँझ मात्रै नेप्सेलाई दिएको थियो ।

यता नेपाल ल्युब आयलले  पनि गत मंसिर १३ गते गरेको निर्णय १६ गते मात्रै नेप्सेलाई दिएको कारण दुवै कम्पनीको कारोबार रोक्का गरिएको बताइएको हो ।