काठमाडौं । चलचित्र ‘रणवीर’ को टिजर सार्वजनिक गरिएको छ । आउँदो माघ १८ गतेबाट रिलिज हुने भनिएको यो फिल्मले केही समयअघि मोसन पोस्टर सार्वजनिक गरेको थियो भने केही हप्ताअघि पोस्टर सार्वजनिक गरेको थियो ।
चलचित्रको टिजरमा फिल्मका हिरो सुशील सिटौला र प्रशान्त ताम्राकारको अभिनय रहेको छ । सुशीललाई एक्सन भूमिकामा देख्न सकिनेछ भने प्रशान्तको भूमिका खलनायकको छ । एक्सनलाई नै फोकस गरिएको यो फिल्ममा बदलाले उब्जाएको द्वन्द्वलाई समावेश गरिएको छ ।
दीपेन्द्र रेग्मी र गोमा विष्ट थापाले निर्माण गरेको यो फिल्मलाई महंगो बजेटमा निर्माण गरिएको निर्माण टिमले दाबी गर्दै आइरहेको छ ।
सिनेमामा गोविन्द सिंह भण्डारीको कथा, पटकथा, संवाद र निर्देशन रहेको छ भने गम्भीर विष्ट र सुरेन्द्र बसेलको कोरियाग्राफी, चन्द्र पन्तको द्वन्द्व, महेश पौडेलको छायांकन र कृष्ण भण्डारीको छायांकन रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया