एजेन्सी । रियल म्याड्रिड जारी स्पेनिस कोपा डेल रे फुटबल प्रतियोगिताको प्रि-क्वाटरफाइनलमा प्रवेश गरेको छ ।
आफ्नो घरेलु मैदानमा बिहीवार राति सम्पन्न भएको दोस्रो लेगको खेलमा रियल म्याड्रिडले तेस्रो डिभिजनको क्लब मेलिलालाई ६-१ गोलको भारी अन्तरले हराउँदै अघिल्लो चरणको यात्रा तय गरेको हो । समग्रमा रियल म्याड्रिडले १०-१ गोलको जित निकाल्दै रियल म्याड्रिड अन्तिम १६ मा पुगेको हो ।
रियलको जीतमा मार्को एसेन्सियोले खेलको ३३ औँ र ३५ औँ मिनेटमा तथा इस्कोले ४७ औँ र ८३ औँ मिनेटमा समान २-२ गोल गरेका थिए । बाँकी गोल भने जाभियर सान्चेजले खेलको ३९ औँ मिनेटमा तथा भिन्सियस जुनियरले ७५ औँ मिनेटमा समान एक-एक गोल गरे ।
यता मेलिलाका लागि खेलको ८१ औँ मिनेटमा यासिन क्वास्मीले एक गोल मात्र फर्काएका थिए ।
त्यस्तै बिहीवार राति नै भएको दोस्रो लेगको अन्य खेलहरुमा लेभान्तेले लुगोलाई २-० गोलले हराउँदै अघिल्लो चरणको यात्रा तय ग-यो । स्पोर्टिङ गीजोन र रियल बेटिसले पनि आ-आफ्नो खेलमा जीत हात पार्दै अन्तिम १६ को यात्रा तय गरिसकेका छन् ।
यो खबर पढेर तपाईलाई कस्तो महसुस भयो ?
प्रतिक्रिया