‘ए’ डिभिजन लिगको खेल तालिका सार्वजनिक गर्ने कार्यक्रम स्थगित

काठमाडौं । सहिद स्मारक ‘ए’ डिभिजन लिग फुटबल प्रतियोगिताको खेल तालिका सार्वजनिक गर्ने कार्यक्रम स्थगित भएको छ । अखिल नेपाल फुटबल संघ (एन्फा) ले आइतबार एक सूचना जारी गर्दै खेल तालिका सार्वजनिक कार्यक्रम स्थगित भएको जनाएको हो ।

एन्फाले आज सोमबार खेल तालिका सार्वजनिक गर्ने कार्यतालिका रहेको थियो । पोखरामा आइतबार भएको यति एयरलाइन्सको विमान दुर्घटनापछि सरकारले सोमबार शोक विदा दिएको कारण पूर्वनिर्धारित कार्यक्रम अर्को सूचना नआएसम्मको लागि स्थगित गरिएको एन्फाले जनाएको छ ।

शीर्ष डिभिजनको लिग फागुन १९ गतेबाट शुरु हुनेछ ।