सहज जितसँगै आर्सनललाई ८ अंकको अग्रता

काठमाडौं । इंग्लिस प्रिमियर लिग फुटबल अन्तर्गतको खेलमा आर्सनलले सहज जित हात पारेको छ । आइतबार राति भएको खेलमा आर्सनलले टोटेनहमलाई २-० गोल अन्तरले पराजित गरेको हो ।

खेलको १४ औं मिनेटमा गोलकिपर हुगो लोरिसले आत्मघाती गोल गरेपछि आर्सनलले सुरुआती अग्रता बनाएको थियो।त्यसपछि खेलको ३६ औं मिनेटमा मार्टिन ओडेगार्डले गोल गर्दै आर्सनललाई २-० को जित दिलाए ।

जितसँगै आर्सनलले शीर्ष स्थानमा ८ अंकको अग्रता बनाएको छ ।

आर्सनलले १८ खेलमा ४७ अंक जोड्दै अग्र स्थानमा रहेको छ । टोटेनहम ३३ अंक जोडेर पाँचौं स्थानमा स्थानमा रहेको छ ।