पीएसजी विरुद्धको खेलमा रोनाल्डोले अल नसरको कप्तानी गर्ने

काठमाडौं । क्रिस्टियानो रोनाल्डोले अल नसरको कप्तानी गर्ने भएका छन्। फ्रेन्च क्लब पेरिस सेन्ट जर्मेन (पीएसजी) विरुद्ध क्रिस्टियानो रोनाल्डोले अल नसरको कप्तानी गर्ने भएका हुन् ।

साउदी अरेबियन क्लब नसरले बिहीबार पीएसजीसँग मैत्रीपूर्ण खेल खेल्ने तालिका रहेको छ । उक्त खेलमा रोनाल्डोले पीएसजीविरुद्ध खेल्दै नसरमा डेब्यु गर्ने छन् । अल नसर र पीएसजीविरुद्धको खेल रियादस्थित किङ फाहद अन्तराष्ट्रिय स्टेडियममा हुनेछ ।

रोनाल्डो र लियोनल मेस्सीबीचको भिडन्त हुने भएकाले यस खेललाई निकै महत्वका साथ हेरिएको छ ।