ए डिभिजन लिगको खेल तालिका शुक्रबार सार्वजनिक हुने

काठमाडौं । सहिद स्मारक ‘ए’ डिभिजन लिग फुटबल प्रतियोगिताको खेल तालिका शुक्रबार सार्वजनिक हुने भएको छ । अखिल नेपाल फुटबल संघ (एन्फा) ले ‘ए’ डिभिजन लिगको खेल तालिका माघ ६ गते शुक्रबार दिउँसो ३ बजे सार्वजनिक गर्ने बताएको छ ।

यस अघि माघ २ गते खेल तालिका सार्वजनिक गर्ने तय थियो । तर, पोखरामा आइतबार भएको यति एयरलाइन्सको विमान दुर्घटनापछि सरकारले सोमबार शोक विदा दिएको कारण एन्फाले खेल तालिका सार्वजनिक कार्यक्रम स्थगित गरेको थियो ।

लिग फागुन १९ गतेबाट शुरु हुनेछ ।