बराबरीमा रोकियो युनाईटेड

काठमाडौं । इंग्लिस प्रिमियर लिग अन्तर्गतको फुटबल खेलमा म्यानचेस्टर युनाईटेडले बराबरी खेलेको छ । बुधबार राति भएको खेलमा युनाईटेडले क्रिस्टल प्यालेससँग १-१ गोलको बराबरी खेल खेलेको हो ।

खेलको ४३ औं मिनेटमा ब्रुनो फर्नान्डेजले गोल गर्दै युनाईटेडलाई सुरुआती अग्रता दिलाएका थिए । तर, खेलको इन्जुरी समयमा माइकल ओलिसेले फ्रिकिकबाट गोल गर्दै क्रिस्टल प्यालेसलाई १-१ गोलको बराबरीमा ल्याए ।

बराबरीसँगै युनाईटेडले १९ खेलमा ३९ अंक जोड्दै तेस्रो स्थानमा रहेको छ । क्रिस्टल प्यालेस २३ अंक जोडेर १२ औं स्थानमा रहेको छ ।