काठमाडौं । पर्सिजा जाकार्ताले इन्डोनेशियामा सम्पन्न लिग वानको उपाधि जितेको छ ।
नेपाली राष्ट्रिय फुटबल टिमका खेलाडी रोहित चन्द सम्मिलित पर्सिजा जाकार्ताले समूह चरणको अन्तिम खेलमा मित्र कुकारलाई २–१ गोल अन्तरले पराजित गर्दै लिग च्याम्पियन बनेको हो ।
जित्नै पर्ने अन्तिम खेलमा पर्सिजाले मित्र कुकारलाई हराउँदै महत्वपुर्ण ३ अंक हात पारेको हो । पर्सिजाका लागि दुवै गोल मार्को सिमिसले गरे । उनले खेलको १७ औँ मिनेटमा तथा ५९ औँ मिनेटमा दुई गोल गरेका थिए ।
रोहितले अन्तिम खेल पनि प्लेईङ सेटमा रहेर खेले । डिफेन्स पोजिसनबाट खेल्ने रोहित पछिल्लो समय डिफेन्सिभ मिडफिल्डरको रुपमा देखिदैं आएका छन् ।
पर्सिजालाई लिग वान च्याम्पियन बनाउन रोहितले महत्वपुर्ण भुमिका खेले । प्रतियोगितामा रोहित सर्वोकृष्ट खेलाडी घोषित भए । लिग वानमा पर्सिजाले ६२ अंक जोडुदै यो सिजनको उपाधि आफ्नो पक्षमा पारेको हो ।
यो खबर पढेर तपाईलाई कस्तो महसुस भयो ?
प्रतिक्रिया