रिभर प्लेटलाई कोपा लिबर्टाडोरेस कप फुटबलको उपाधि (फोटोसहित)

एजेन्सी । रिभर प्लेटले कोपा लिबर्टाडोरेस कप फुटबल प्रतियोगिताको उपाधि जितेको छ । 

आइतवार राति स्पेनमा भएको दोस्रो लेगको खेलमा अर्जेन्टिनी क्लब रिभर प्लेटले बोका जुनियर्सलाई ३-१ गोल अन्तरले उपाधि आफ्नो पक्षमा पारेको हो ।

रिभर प्लेटले समग्रमा ५-३ गोल अन्तरको जीत निकालेको हो । रिभर प्लेटका लागि लुकास पार्टो, जान क्वान्टीरो र गोन्जालो मार्टिनेजले समान एक-एक गोल गरेका थिए । यता बोका जुनियर्सका लागि भने डारियो बेनेडिट्टोले एक मात्र गोल फर्काएका थिए ।

यसअघि भएको पहिलो लेगको खेल भने दुई-दुई गोलको बराबरीमा सकिएको थियो । 

दोस्रो लेगको खेल सञ्चालन हुनुपूर्व दुवै क्लबका समर्थकहरुबीच झडप भएको थियो । सोहि झडपका कारण खेल दुई पटक स्थगित समेत गरिएको थियो । समर्थकहरुबीच पुन झडप हुन सक्ने भन्दै लिगको दोस्रो लेगको खेल स्पेनमा खेलाइएको हो ।