हङकङमा कुखुराको खुट्टा ल्याइएको कन्टेनरबाट ३ सय किलो कोकिन बरामद

काठमाडाैं । हङकङमा भन्सारले कुखुराको खुट्टा ल्याइएको कन्टेनरमा २६ करोड हङकङ डलरको कोकिन बरामद गरेको छ ।

ब्राजिलबाट ल्याइएको कन्टेनरमा सो कोकिन फेला परेको अन्तर्ष्ट्रिय सञ्चार माध्यमहरुले उल्लेख गरेका छन् । कन्टेनरमा रहेको १८ सय बाक्सामध्ये ३० वटामा ३ सय किलो कोकिन फेला पारिएको हो ।

उक्त कुखुराको खुट्टा लिन आएका ६७ वर्षीय कन्टेनरका चालक पक्राउ परेका छन् । एक्स रेमा शंकास्पद सामान देखेपछि खानतलासी लिँदा कोकिन फेला परेको थियो।