‘इपीएल’ क्रिकेटमा आज दुई खेल हुँदै

काठमाडौं । जारी एभरेष्ट प्रिमियर लिग ‘इपीएल’ क्रिकेट प्रतियोगिता अन्तर्गत आज दुई खेल हुुँदैछन् । 

कीर्तिपुरस्थित त्रिवि क्रिकेट मैदानमा आज हुने पहिलो खेलमा  विराटनगर वारियर्सले पोखरा राइनोजको सामना गरिरहेको छ । जारी लिग क्रिकेटमा एकमात्र विदेशी कप्तान रहेको पोखराले लगातार २ खेल गुमाइसकेको छ । पोखरालाई अहिलेसम्म सोचेअनुरुप नतिजा निकाल्न सकेको छैन । 

त्यस्तै राष्ट्रिय टिमका कप्तान समेत रहेका पारस खड्काको नेतृत्वमा रहेको विराटनगर वारियर्सले आज दोस्रो खेल खेलिरहेको छ । ललितपुरलाई पराजित गर्दै प्रतियोगितामा शुखद नतिजा निकालेको विराटनगर उच्च मनोबलका साथ मैदानमा उत्रिएको छ । 

यता आजै हुने दोस्रो खेलमा भैरहवा ग्लाडियटर र चितवन टाइगर्स आमने-सामने हुँदैछन् । यी ुदई टिमबीचको खेल दिउँसो १ बजेपछि शुरु हुनेछ । भैरहवाले पनि प्रतियोगितामा महत्वपूर्ण २ अंक जोडिसकेको छ ।